Bakı-Şamaxı-Yevlax avtomobil yolunda ağır yol-nəqliyyat hadisəsi baş verib. Baş Dövlət Yol Polisi İdarəsinin İstintaq və təhqiqat şöbəsinin təhqiqatçısı Ceyhun Axundovun verdiyi məlumata görə, hadisə bu gün gecə saat 2:30 radələrində magistral yolun 237-ci kilometrliyində, Ağdaşın Yuxarı Qəsl kəndi ərazisində qeydə alınıb.

1949-cu il təvəllüdlü Qocayev İkram Sırac oğlunun idarə etdiyi 03 BB 616 dövlət nömrə nişanlı “VAZ 2104” markalı minik avtomobili qarşı tərəfdən gələn 1973-cü il təvəllüdlü Şirinov Azər Arif oğluna məxsus 09 BF 977 dövlət nömrə nişanlı “Kamaz” markalı yük avtomobili ilə toqquşub. Hadisə nəticəsində “Jiquli”nin sürücüsü Qocayev İkram və “Kamaz”ın sürücüsünün 15 yaşlı oğlu Arifli Əkbər ağır bədən xəsarətləri ilə Ağdaş Mərkəzi Rayon Xəstəxanasına yerləşdirilib. İkram Qocayevin vəziyyəti ağır olaraq qalır.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır. ANSPRESS