Baş Dövlət Yol Polisi İdarəsinin istintaq və təhqiqat şöbəsinin təhqiqatçısı Mübariz Quliyev APA-ya bildirib ki, hadisə bu gün axşam saatlarında magistral yolun 277-ci kilometrliyində, Aşdaşın Qaradeyin kəndi ərazisində qeydə alınıb.

Məlumata görə, 10-DF-429 dövlət nömrə nişanlı “VAZ 2109”, 66-BH-584 dövlət nömrə nişanlı “VAZ 2107” və 90-MD-893 dövlət nömrə nişanlı “KİA” markalı minik avtomobillərinin toqquşması nəticəsində Kürdəmir rayonundakı “N” saylı hərbi hissənin zabitləri, 1988-ci il təvəllüdlü Emin Abbasov, 1987-ci il təvəllüdlü Hafiz İsmayılov, əsgər, 1992-ci il təvəllüdlü Əziz Kərimov, 1972-ci il təvəllüdlü Babayeva Günəş Hüseyn qızı və 1984-cü il təvəllüdlü Axundov İsfəndiyar Abbasqulu oğlu müxtəlif dərəcəli bədən xəsarətləri ilə Yevlax Mərkəzi rayon Xəstəxanasına yerləşdiriliblər.

Faktla bağlı BDYPİ-nin istintaq və təhqiqat şöbəsi tərəfindən araşdırma aparılır.