Bu gün təxminən saat 12:00 radələrində paytaxtda aeroport yolunda Sabunçu körpüsünün üstündə
“Mercedes C class” markalı 90 KU 911 dövlət nömrə nişanlı avtomobillə “Mercedes-190” markalı 10 ZV 190 dövlət nömrə nişanlı maşın toqquşub. Sabunçu rayon Dövlət Yol Polisi İdarəsinin Yol nəqliyyat hadisələri bölməsinin baş inspektoru Müşviq Babaşovun ANS PRESS-ə verdiyi məlumata görə, hadisə nəticəsində “Mercedes-190” markalı avtomobildə olan dörd nəfər xəsarət alıb. Onlardan ikisinin vəziyyəti ağırdır.

Qəza şahidlərinin ANS PRESS-ə verdiyi məlumata görə, yaralananlardan biri azyaşlı uşaqdır.

Hadisə yerində araşdırma aparılır. ANSPRESS