Bu gün saat 17:00 radələrində Abşeron rayonunda, Müşviqabad postu yaxınlığında ağır yol-nəqliyyat hadisəsi baş verib. Bu barədə Dövlət Yol Polis İdarəsindən ANS PRESS-ə məlumat verilib.

Məlumata görə, “Mercedes Benz E klass” markalı 10 SD 052 dövlət nömrə nişanlı avtomobil sürətlə hərəkət edərkən idarəetməni itirərək “KamAZ” markalı yük maşınına çırpılıb. Nəticədə “Mercedes” markalı avtomobilin sürücüsü və sərnişini həlak olub.