Bakı-Quba yolunun 115-ci kilometrliyində yük maşınlarının toqquşması nəticəsində yol qəzası olub. ANS PRESS-in bölgə müxbirinin verdiyi məlumata görə, “KrAZ” və “KamAZ” markalı avtomobillər toqquşub. Yol polisinin bölgə müxbirinə verdiyi məlumata görə, Nəqliyyat Nazirliyinə məxsus “KamAZ” markalı maşının sürücüsü hadisə yerində ölüb. “KrAZ” markalı avtomobilin sürücüsü isə yaralanıb. Hazırda ölən və yaralanan sürücünün şəxsiyyəti dəqiqləşdirilir.

Hadisə zamanı başqa bir yük maşını da zərər çəkib. Belə ki, güclü zərbə nəticəsində “KamAZ” markalı maşın yol kənarında dayanan içi daşla dolu yük maşınına dəyib.

Qeyd edək ki, faktla bağlı araşdırma aparılır. ANSPRESS