Yevlax Rayon Prokurorluğunun müstəntiqi Vahid Məmmədov APA-nın Qarabağ bürosuna bildirib ki, Türkan Abdullayevanın qohumları onda epilepsiya (qıcolma) xəstəliyinin olduğunu, əvvəllər də belə halların baş verdiyini deyiblər. Türkan məclisdə özünü pis hiss edib, qohumları onu Mingəçevir şəhərinə çatdırmaq istəsələr də, Xaldan ərazisində vəziyyəti daha da ağırlaşıb, buna görə də onu qəsəbə xəstəxanasına aparıblar. Lakin xəstəxanaya çatdıqda o, artıq keçinmiş olub.

Əvvəlcə T. Abdullayevanın toyda qidadan zəhərləndiyi ehtimal olunsa da, müayinə zamanı onda zəhərlənmə əlamətləri aşkar edilməyib.

Mingəçevir sakini olan Türkan Abdullayeva Ağdaşın Qəribli kəndinə qohumlarıgildə keçirilən toy mərasimində iştirak edirmiş.

Qeyd edək ki, bir müddət əvvəl ailə quran Türkan Abdullayeva hamilə olub.

 

APA