Şəkinin Qurcana çayında kişi meyiti aşkar olunub. Həmin ərazidə kommunal təsərrüfat idarəsinin əməkdaşları təmizlik işləri apararkən çaydan naməlum kişi meyidi aşkar ediblər və bu barədə dərhal rayon polis şöbəsinə məlumat veriblər. Hadisə yerinə gələn hüquq mühafizə orqanlarının əməkdaşları hadisə yerinə baxış keçiriblər, meyit daxili və xarici müayinə üçün ekspertizaya göndərilib.

Şəki şəhər prokurorluğunun müstəntiqi Tural Kərimovun ANS-ə verdiyi məlumata görə, araşdırmalar zamanı üzərində zorakılıq əlaməti olmayan meyidin 1 ay əvvəl itkin kimi axtarışda olan 51 yaşlı İsmayılov Ələsgər Bayram oğlu olduğu müəyyən edilib.

Hazırda İsmayılovun necə və hansı şəraitdə ölməsi ilə bağlı istintaq araşdırmaları aparılır. ANSPRESS