Azərbaycanın Müdafiə Nazirliyi “WikiLeaks” saytında müdafiə naziri Səfər Əbiyevin ABŞ-ın keçmiş səfiri Enn Dersi ilə görüşü barədə dərc olunan məlumatlarla bağlı açıqmala yayıb. ANS PRESS-in məlumatına görə, Müdafiə Nazirliyin mətbuat xidmətinin rəisi Eldar Sabiroğlunun açıqlamasında bildirilir:

“Mətnlə tanış olduqdan sonra doğrusu çox təəccüb etdim. Çünki mətbuat xidmətinin rəisi kimi müdafiə nazirinin demək olar ki, əksər görüşlərində, xüsusilə xarici ölkə səfirləri ilə görüşlərində iştirak edirəm. Onun ABŞ-ın ölkəmizdəki keçmiş səfiri Enn Dersi ilə keçirdiyi görüşləri də yaxşı xatırlayıram. Mən belə söhbətlərin şahidi olmamışam. Mətn həqiqətdən daha çox uydurmaya bənzəyir və ölkələrarası münasibətləri pozmağa yönəlmiş təxribat təsiri bağışlayır”.