Türkmənistan prezidenti Qurbanqulu Berdiməhəmmədov Bakıda keçiriləcək Xəzəryanı ölkələrin dövlət başçılarının Zirvə görüşündə iştirak etmək üçün bu gün Azərbaycana səfərə gəlib. Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Türkmənistanın dövlət başçısını Azərbaycan baş nazirinin birinci müavini Yaqub Eyyubov və digər rəsmi şəxslər qarşılayıblar.

Hava limanının ali qonaqlar üçün salonunda prezident Qurbanqulu Berdiməhəmmədov və baş nazirin birinci müavini Yaqub Eyyubov arasında qısa protokol söhbəti olub.