Türkiyə prezidenti Abdulla Gül Misirə səfər edəcək. ANS PRESS-in Türkiyə kütləvi informasiya vasitələrinə istinadən verdiyi məlumata görə, dövlət başçısı Abdulla Gül martın 3-də Qahirəyə gedəcək.

Məlumata görə, Abdulla Gül səfər çərçivəsində Misir prezidenti Hüsnü Mübarəkin istefasından sonra ölkədə idarəetməni ələ alan Ali Hərbi Şura rəhbərliyi ilə görüş keçirəcək.

Qeyd edək ki, Misiri demokratik seçimlərə aparacağını bəyan edən Ali Hərbi Şuraya Hüseyn Tantavi rəhbərlik edir.