Avqustun 11-də, saat 21:00-da, Tofiq Bəhramov adına Respublika stadionunda keçiriləcək Azərbaycan - Küveyt yoldaşlıq oyunu üçün akkreditasiya almaq istəyən KİV nümayəndələri bu gün saat 18:00-dək qeydiyyatdan keçməlidirlər. Qeydiyyatdan keçmək istəyənlər adını, soyadını, 3x4 ölçüdə, elektron formatda şəklini (şəkili AFFA-da da çəkdirmək olar) vəzifəsini və təmsil etdiyi KİV-in adını [email protected] ünvanına göndərməlidir. Akkreditasiya vəsiqələri yerlərin sayına uyğun olaraq bölünəcək və müvafiq qaydada qeydiyyatdan keçməyənlərə akkreditasiya verilməyəcək.

Müvafiq qaydada qeydiyyata alınmış KİV nümayəndələrinə akkreditasiya vəsiqələrinin verilmə tarixi ilə bağlı AFFA-nın rəsmi internet saytında məlumat yerləşdiriləcək. ANSPRESS