Ermənistan müdafiə naziri Seyran Ohanyan Azərbaycan əsirliyində olan Akop İnciqulyandan danışıb. ANS PRESS-in Arovat.am-a istinadən verdiyi məlumata görə, erməni müdafiə naziri əsiri Ermənistana qaytarmaq istədiklərini bildirib: "O, azıb. Ermənistana qayıdarsa biz onu təqib etməyəcəyik".

Seyran Ohanyan əsir düşməsinə baxmayaraq A. İnciqulyana bir əsgər kimi hörmət etdiklərini də vurğulayıb.

Qeyd edək ki, avqustun 7-dən 8-ə keçən gecə erməni silahlı bölmələrinin hərbçisi, 1991-ci il təvəllüdlü Akop Gevorkoviç İnciqulyan qoşunların təmas xəttinin Ağdam cəbhəsi istiqamətində Azərbaycan Ordusunun nəzarəti altında olan hissəsinə keçib.