Bu gün Azərbaycanda parlament seçkiləri keçirilir. Səsvermə saat 08.00-da başlayıb və saat 19.00-a kimi davam edəcək. Seçicilərin aktivliyi barədə gün ərzində 5 dəfə ictimaiyyətə məlumat veriləcək. İlkin nəticələrin isə gecə saatlarında açıqlanacağı və MSK-nın rəsmi saytında yerləşdiriləcəyi gözlənilir.

Qeyd edək ki, Milli Məclisə seçkilər 125 dairədə və 5314 seçki məntəqəsində keçiriləcək. 690 namizədin adı seçki bülletenlərinə daxil edilib.

Seçkiləri izləmək üçün ümumilikdə 46 639 yerli müşahidəçi qeydiyyatdan keçib. Onlardan 3466 nəfəri bütün respublika üzrə müşahidə aparmaq səlahiyyətinə malikdir. Dairələr üzrə isə 43 173 müşahidəçi qeydə alınıb.Beynəlxalq müşahidəçilərə gəlincə, 21 beynəlxalq qurumdan 1029 nəfər MSK-da qeydiyyatdan keçib. Beynəlxalq müşahidəçilər 48 ölkəni təmsil edirlər.
Parlament seçkilərini işıqlandırmaq üçün 18 xarici kütləvi informasiya vasitələrindən 43 təmsilçi akkreditə olunub.

Qeyd edək ki, Azərbaycanda parlament seçkiləri sonuncu dəfə 2005-ci ildə keçirilib. ANSPRESS