Azərbaycan Cənubi Koreyadan külli miqdarda müasir silah-sursat almaq niyyətindədir. ANS PRESS-in Rusiya mətbuatına istinadən verdiyi xəbərə görə, bu barədə Cənubi Koreyanın “Xanquk İlbo” qəzeti məlumat yayıb.

Qəzetin yazdığına görə, iki ölkə arasında razılıq Azərbaycan parlamentarilərinin Koreyaya səfəri zamanı əldə olunub. Artıq alınacaq silahların siyahısı da müəyyən edilib.

Azərbaycanın Cənubi Koreyadan iki sualtı qayıq, sursat daşıyan qayıq, nəqliyyat gəmisi, səsdən iti məşq təyyarəsiT-150, dünyanın ən yaxşılarından hesab olunan 155 mm kalibrli SAUK-9, vertolyotlar, pilotsuz uçan aparatlar, yanğına nəzarət sistemi və başqaları daxildir. Bu sövdələşmənin ümumi dəyərinin 3 milyard dollardan artıq olduğu bildirlir.

Qəzetin yazdığına görə, silah satışını gizlətməyən Cənubi Koreyadan belə külli miqdarda silah alışı həm də bu ölkənin dünya silah tədarükündə imicinin yüksəlməsi deməkdir.