ABŞ-ın dövlət katibi Con Kerri, Ceyms Uorlikin Ermənistan-Azərbaycan Dağlıq Qarabaq münaqişəsinin nizamlanması ilə məşğul olan ATƏT-in Minsk Qrupuna həmsədr təyin edildiyini bəyan edib.

“O, birinci dərəcəli diplomatdır və mən əminəm ki, o, bu vacib vəzifənin öhdəsindən məharətlə gələcək. ABŞ Dağlıq Qarabağ münaqişəsinin davamlı və dinc yolla həllinə nail olmaq üçün iki ölkəyə yardım göstərilməsinə tam sadiqdir", deyə Kerrinin bəyanatında bildirilib.

Qeyd edək ki, Uorlik vəzifəsinin icrasına sentyabrda başlayacaq.

Uorlik bundan əvvəl ABŞ prezidentinin Əfqanıstan və Pakistan üzrə xüsusi nümayəndəsinin müavini vəzifəsində çalışıb və ABŞ-la Əfqanıstan arasında təhlükəsizlik razılaşması üzrə əsas müzakirəçilərdən biri olub. Bunadək o, ABŞ-ın Bolqarıstanda səfiri (2009-2012-ci illərdə) olub və Dövlət Departamentində məsul vəzifələrdə çalışıb.