Rusiyanın xarici işlər naziri Sergey Lavrov bu gün ATƏT-in Dağlıq Qarabağ münaqişəsinin nizamlanması üzrə Minsk Qrupunun amerikalı (Robert Bradtke), fransalı (Bernar Fasye), rusiyalı (İqor Popov) həmsədrləri, həmçinin ATƏT-in fəaliyyətdə olan sədrinin xüsusi nümayəndəsi Anjey Kasprşiki qəbul edib. Bu barədə Rusiya Xarici İşlər Nazirliyinin məlumatında bildirilir.
Görüş zamanı münaqişənin həlli üzrə iyunun 24-də Kazanda keçirilmiş üçtərəfli sammitin nəticələri nəzərə alınmaqla həmsədr ölkələrin gələcək işinin koordinasiya məsələləri müzakirə olunub.
Xatırladaq ki, Sergey Lavrov iyulun 8-də əvvəlcə Ermənistana, daha sonra isə Azərbaycana səfər edərək prezidentlərə Dmitri Medvedevin Kazan görüşündən sonra Dağlıq Qarabağ münaqişəsinin həlli ilə bağlı müraciətini və təkliflərini təqdim edib. ANSPRESS
Lavrov həmsədrləri qəbul edib
Bu barədə Rusiya Xarici İşlər Nazirliyi məlumat yayıb.
Şərhlər