Prezident İlham Əliyev cənub bölgəsinə səfəri çərçivəsində bu gün Lerik rayonuna gedib. Dövlət başçısı əvvəlcə Heydər Əliyev meydanında ulu öndərin abidəsini ziyarət edib. Prezident İlham Əliyev Heydər Əliyev meydanında aparılmış tikinti işləri ilə tanış olub. Məlumat verilib ki, 8200 kvadratmetr sahəni əhatə edən meydan yenidən qurulub, müasir oturacaqlar qoyulub, işıqlanma sistemi quraşdırılıb. Burada 35 metrlik qüllə üzərində Azərbaycanın dövlət bayrağı dalğalanır.

Dövlət başçısı İlham Əliyev görülmüş işlərdən razılığını bildirib, tapşırıq və tövsiyələrini verib. ANSPRESS