Bu gün "AccessBank"ın maliyyə dəstəyilə Caz Mərkəzində Azərbaycanda musiqi sənətinin inkişafına dəyərli töhfəsi olan xalq artisti Rafiq Babayevin xatirəsinə həsr olunmuş gecə təşkil edildi. Bir sıra beynəlxalq mükafatlar laureatı olan Rafiq Babayevin ölkəmizdə caz sənətinə marağın yaradılmasında və onun inkişafında böyük rolu var. Çoxsaylı caz kompozisiyalar, pyeslər, mahnılar, xalq musiqilərinin oranjimanları, 20-dən artıq kinofilm üçün mahnılar yazan Rafiq Babayev 1993-cü ildə Azərbaycanın xalq artisti adına layiq görülüb.

Tədbirdə mərhum bəstəkarın qızı Fərizə Babayeva atasının xatirəsinə həsr etdiyi kitabı təqdim etdi. “Рафик Бабаев от темы к импровизу” adlı kitab "AccessBank"ın maliyyə dəstəyilə işıq üzü görüb.

Gecədə Salman Qəmbərov, Cəmil Əmirov, Elçin Şirinov, Ruslan Hüseynov və s. caz ifaçıları iştirak edirdi. anspress