Bu gün Milli Qehreman Çingiz Mustafayevin doğum günüdür. Bununla elaqedar yaxınları, aile üzvleri, dostları, hemkarları, ANS-çiler ve sadece onu tanıyanlar Şehidler Xiyabanında Çingiz Mustafayevin mezarını ziyaret edib.

Ziyaretçiler arasında ANS Şirketler Qrupunun prezidenti Vahid Mustafayev, vitse-prezidentler Seyfulla Mustafayev, Mir Şahin Ağayev, ANS Şirketler Qrupu prezidentinin ictimaiyyetle elaqeler üzre müşaviri Mais Memmedov, ANS ŞQ-ye daxil olan qurumların emekdaşları var idi. Milli Qehremanın mezarı üzerine gül desteleri qoyulub, ruhuna dualar oxunub.

Xatırladaq ki, Çingiz Fuad oğlu Mustafayev 1960-cı il avqustun 29-da herbçi ailesinde anadan olub. 1983-cü ilde Azerbaycan Tibb İnstitutunu bitirib. 1985-ci ilde yaratdığı “Cengi” birliyindeki fealiyyeti ile Azerbaycan genclerinin lideri seviyyesine yükselib. Bu, Sovet İttifaqında başlanan yenileşme prosesinin Azerbaycanda teşekkül tapan ilk yetkin tezahürü idi. Azerbaycanın medeni-ictimai heyatında oynmağa başladığı rol Çingiz Mustafayevi islahatçı-novator lider simasında teqdim etmekde idi.

Çingiz Mustafayev 1991-ci ilden Dövlet Televiziyasında reportyor kimi fealiyyete başlayıb. Lakin mövcud senzuraya göre, “215 KL” studiyasını yaratmaq qerarına gelib. 1992-ci ile qeder Çingiz Mustafayev bütün döyüş bölgelerinden en operativ xeberleri Azerbaycan xalqına çatdırıb. Ölkede onu müxtelif reportajları ile tanısalar da, dünya Çingizi daha çox Xocalıdan çekdiyi kadrlarla tanıyıb. Çingiz Mustafayev 1992-ci il, iyunun 15-de, esgeran rayonunun Naxçıvanik kendinde peşe borcunu yerine yetirerken qehremancasına helak olub.

Çingiz son nefesine qeder kamerasını söndürmeyib ve belelikle de ölmezlik zirvesini feth etmiş olub. Ölümünden sonra, 1993-cü ilde ona Azerbaycanın Milli Qehremanı adı verilib.

Allah rehmet elesin!