Şəkidə Milli Qəhrəman Çingiz Mustafayevə həsr olunmuş tədbir keçirilib. Şəkililər, eləcə də, Şəkiyə gələn qonaqlar Çingiz Mustafayev adına kluba toplaşaraq, həm Ramazan bayramını, həm də Milli Qəhrəmanın ad gününü qeyd edib. Bayram şənliyində Şəkinin tanınmış mügənniləri, eləcə də gənc mügənnilər çıxış edib.

Çingiz Mustafayev tək Şəkinin deyil, bütün Azərbaycanın fəxridir. Məhz bunun üçün də ona həsr olunmuş tədbirdə tək şəkililər yox, digər bölgələrdən gəlmiş qonaqlar da iştrak edirdi.

Tədbirin təşkilində yaxından köməklik göstərən Şəki Gənclər və İdman İdarəsinin rəisi Vüqar İsgəndərov gənclərə məhz Çingizi və digər qəhrəmanlarımızı özlərinə nümunə götürməyi məsləhət görüb.

Bu gün dünya ictimaiyyətinə erməni vəhşiliklərini göstərə biliriksə, bu, Çingiz Mustafayevin həyatı hesabına çəkdiyi kadrlar sayəsində mümkündür. Gərək bunu heç zaman unutmayaq. ANSPRESS