Bu gün azərbaycanlılar da daxil olmaqla Səudiyyə Ərəbistanında olan 2 milyondan çox zəvvarın Həcc mərasimi başa çatır. Zəvvarlar bu gün sonuncu dəfə Kəbə evini ziyarət edəcəklər. Sabahdan etibarən azərbaycanlı zəvvarlar Vətənə qayıtmağa başlayacaqlar.

Azərbaycanlı zəvvar Teymur Mehdiyevin ANS-ə verdiyi məlumata görə, artıq zəvvarlar şeytanı daşlamaq mərasimini yekunlaşdırıblar, günorta vaxtı ilə saat 2-də Məkkəyə doğru gedəcəklər. Orada Həcc əməllərinə təvaf olunacaq. Namaz qılınacaq, bununla da Həcc əməlləri bitəcək.

Birinci qrup avtobusla sabah Bakı vaxtı ilə axşam saat 11-də, ikinci qrup isə ayın 11-də yenə həmin vaxt yola düşəcək.