Böyük Britaniyanın mühəndis dizaynı sahəsində ixtisaslaşmış ATKİNS şirkətinin mütəxəssisləri tərəfindən hazırlanan “Bakı Ağ Şəhər” layihəsi çərçivəsində “Nobel bağı”nın salınması planlaşdırılır. “Bakı Ağ Şəhər” layihəsinin icra qrupundan AzərTAc-a bildiriblər ki, klassik üslubda işlənib hazırlanacaq bağın yeni konsepsiyasında uşaqlar üçün müxtəlif əyləncə obyektləri nəzərdə tutulub.

Layihəyə görə, Bakıda ən iri olacaq və 9,5 hektar ərazidə yerləşəcək bu bağ, “Bakı Ağ Şəhər”in həyatında əhəmiyyətli rol oynayacaq.

Gəzintilərin rahat olması üçün, abadlaşdırılmış və təşkil olunmuş ərazi avtomobil dayanacağı yerləri ilə də təmin olunacaq, şəhər əhalisinin sevimli məkanına və tədbirlərin keçirilməsi üçün yararlı bir yerə çevriləcək.