"Azərbaycanın Türkiyə və Gürcüstanla birgə reallaşdırdığı nəqliyyat və energetika layihələri sayəsində Xəzər regionu dünyada strateji mövqeyini əldə edəcək".

ANS PRESS-in TRT-yə istinadən verdiyi xəbərə görə, bunu Türkiyə prezidenti Abdulla Gül, İstanbulda keçirilən beynəlxalq forumda çıxış edərkən deyib.

Onun sözlərinə görə, Bakı-Tiflis-Qars dəmir yolu layihəsi Pekindən Londona qədər vahid nəqliyyat dəhlizinin yaradılmasına imkan yaradır.

Gül, bu layihənin 2014-cü ildə təhvil veriləcəyini deyib: "Bakı-Tiflis-Qars" layihəsi çərçivəsində 105 kilometr məsafədə yeni qolun inşasına başlanılması planlaşdırılır. Bundan başqa, Gürcüstanda Axalkalaki-Marabda-Tiflis dəmir yolunun yeni xətti bərpa ediləcək. Bu xəttin daşıma gücü ildə 15 milyon ton yükə qədər yüksələcək. Bundan başqa, Axalkalakidə Gürcüstandan Avropaya qatarların keçirilməsi üçün yeni məntəqənin tikilməsi planlaşdırılır".