Planet tarixinde ilk Panavropa Oyunlarına 580 güne yaxın vaxt qalır. İlk baxışdan kifayet qeder böyük görünen bir reqemdir. Amma eslinde, Azerbaycanda yaradılmalı olan infrastrukturu nezere aldıqda, vaxt darlığı göz qarşısındadır.

Avropa Olimpiya Komitesinin üzvü Spiros Kapralosun sözlerine göre, Bakının namizedliyi bu oyunları keçirmek üçün gec tesdiqlenib. "Bizim az vaxtımız qalıb. Ona göre de hem hazırlıq, hem de tikinti işlerinde bir gün bele itirmek olmaz”.

Azerbaycan bu 580 gün erzinde neler etmelidir?
Yarışın açılış ve bağlanış merasimlerinin keçirileceyi olimpiya stadionunun tikintisi başa çatdırılmalıdır. Teşkilat komitesi bu stadionun, habele hovuz kompleksinin 2015-ci ilin fevralında istismara verileceyine ümidlidirler. Avropa Oyunlarına teşrif buyuracaq gimnastlar Milli Gimnastika arenasında yarışmalıdırlar. Bu arenanın tikintisi gelen il yekunlaşacaq. Ümumiyyetle hesab edilir ki, Avropa Oyunları üçün teleb olunan idman obyektlerinin tikintisi en uzağı 2015-ci ilin evveline qeder yekunlaşacaq.

Hazırda esas problem oyunların keçirilmesi üçün teleb edilen infrastrukturun yaradılmasıdır. Yarışda 5000-e qeder idmançı, mine qeder nümayende heyeti, 2 mine qeder jurnalist qatılacaq. Bu sayda insanın yerleşdirilmesi teşkilatçılar qarşısında duran esas meselelerden biridir. İdmançıların olimpiya, jurnalistlerin ise media kendinde meskunlaşacağı qerara alınıb. Bu kendler “Koroğlu” metro stansiyasının yaxınlığında tikilen bu binaların bazasında yaradılacaq. Olimpiya oyunlarında iştirak etmek üçün Bakıya gelen komandaların nümayende heyetlerinin üzvleri mehmanxanalarda yerleşdirilecek. Amma bu yerlerin sayı kifayet edecekmi?
Spiros Kapralos otellerde nömre çatışmazlığı olduğunu desede, lakin azerbaycanlı dostlardan Avropa Oyunlarından sonra lazım olmayacaq otelleri tikmeyi xahiş etmeyibler.

Melumdur ki, Azerbaycanda mehmanxana yerlerinin ekseriyyeti bahalı hotellerin payına düşür. Mehmanxanalarda qiymetler orta hesabla 150-250 manat arasında deyişir. Bu qiymetler 2 hefte Bakıda qalacaq xarici azarkeşleri qane edecekmi? Medeniyyet ve turizm naziri ebülfes Qarayev "Eurovision" yarışması erefesinde bu meselenin qabardıldığını ve müsabiqe zamanı heç bir problem yaranmadığını xatırladıb.

Avropa oyunlarının teşkilatçılarının rastlaşacağı diger bir problem neqliyyatla bağlı olacaq. "Eurovision" yarışması ile müqayise aparsaq, bu defe gelen qonaqların sayı defelerle çox olacaq. Ve "Eurovision"dan ferqli olaraq, bu defe qonaqlar yalnız Baku Kristal Holl deyil, paytaxtın merkezi ve şeheretrafı hissesine sepelenmiş idman arenalarında axın edecekler. Bu ise şeherin küçe ve yollarında hereket sıxlığı problemini yaradacaq. Bunu nezere alan Neqliyyat Nazirliyi xüsusi tedbirler planı hazırlayıb.

Diger problem ecnebilere vizaların verilmesi ile bağlıdır. Söhbet viza almaq meqsedile 10 min neferden çox adamın eyni vaxtda sefirliklere müracietinden gedir. Bu baxımdan, oyunların keçirildiyi dövrde viza rejiminin sadeleşdirilmesi istiqametinde addımların atılması aktual ola biler. Meselen, qonşu Rusiyada Soçi Qış Olimpiya oyunlarını izlemek isteyenler üçün müveqqeti viza rejimi tetbiq olunub. Onlar Rusiya sefirliklerinde ayrılmış olimpiya pencereleri vasitesile növbedenkenar ve sadeleşdirilmiş şekilde viza elde ede bilerler.

Azerbaycan üçün bunların hamısı yeni çağırışlardır. MDB mekanında yalnız 3 ölke - Rusiya, Ukrayna ve Azerbaycan "Eurovision" kimi yarışa ev sahibliyi edib. Rusiya indi Soçi Olimpiyadası ile imtahana hazırlaşır. Ukrayna ise Polşa ile birlikde 2012-ci il futbol üzre Avropa çempionatı ile sınaqdan çetinlikle çıxdı. İndi növbe Azerbaycanındır. Avropa Oyunlarının müveffeqiyyetle keçirilmesi Bakının Olimpiyadaya ev sahibliyi etmek şanslarını artıracaq. Bir sözle, Azerbaycanın yeni tarixi hadisenin iştirakçısı ve yaradıcısına çevrilecek.