Hadisə bir neçə gün əvvəl Azərbaycan-İran sərhədinin Yardımlı rayonu ərazisində qaçaqmalçılarla sərhədçilər arasında baş verib. Azərbaycan-İran sərhədini qanunsuz keçən 4 nəfərdən ibarət dəstə ilə sərhədçilər arasında baş verən silahlı insident zamanı qaçaqmalçılardan biri zərərsizləşdirilib. Digər dəstə üzvləri isə qaçmağa müvəffəq olublar. Hadisə baş verən ərazidən qaçaqmalçılara məxsus 5 kiloqram həşiş, 1 ədəd tapança, 4 ədəd tapança patronu, 1 ədəd tapança gilizi, 2 ədəd avtomat gilizi və 300 blok müxtəlif adda siqaret aşkar edilərək götürülüb.

Faktla bağlı cinayət işi qaldırılıb, araşdırma aparılır. APA