“Google” şirkətinə rəsmi etiraz edilib. ANS PRESS-in verdiyi məlumata görə, bunu Xarici İşlər Nazirliyinin mətbuat xidmətinin rəhbəri Elman Abdullayev deyib. Onun sözlərinə görə, bu məsələ diqqət mərkəzindədir. “Google EARTH” axtarış sistemində ölkənin işğal olunmuş ərazilərində coğrafi adların təhrif olunmasına hər zaman reaksiya verir və müvafiq tədbirlər görür. XİN rəsmisi bildirib ki, Azərbaycan vətəndaşlarının da bu məsələdə iştirakı və müdaxiləsi vacibdir: “Bu portal ictimaiyyətə açıqdır. Ermənilər bundan istifadə edərək dəyişiklilər edirlər. Azərbaycan vətəndaşları bu məsələni diqqətdə saxlamalıdır. Biz bu mübarizəni birgə aparmalıyıq. Bu bir çağırışdır. Azərbaycan tərəfi üzərinə düşən öhdəlikləri edir. Azərbaycanlılarda bu cür təhrifləri gördükdə müdaxilə etməlidir. Bu milli məsələdir,milli borcdur.”