Ayna proqramı Bakıda

Türkiyənin “Samanyolu” telekanalında yayımlanan “Ayna” proqramı Azərbaycan haqqında buraxılış hazırlayır. ANS PRESS-in məlumatına görə, proqramın aparıcısı Saim Orhan bu gün Bakıya gəlib. Artıq çəkiliş qrupu Azərbaycan paytaxtında çəkilişlərə başlayıb.

Saim Orhan Bakıya gələrkən hava limanında çəkdirdiyi fotonu Twitter-də paylaşıb.

Qeyd edək ki, “Ayna” Türkiyənin ən uzun ömürlü səyahət proqramıdır. 1995-ci ildən indiyədək Saim Orhan 110-dan çox ölkədə çəkiliş aparıb və proqramın 368 bölümü yayımlanıb.