Türkiyənin paytaxtı Ankaranın Almadağrayonu yaxınlığında 3-ü avtobus olmaqla 8 avtomobilin iştirakı ilə zəncirvari qəza baş verib. Hadisə nəticəsində 30 nəfər xəsarət alıb.

Yol qəzasına güclü yağışın səbəb olduğu bildirilir. Şahidlərin sözlərinə görə, əvvəlcə sürüşkən yolda minik avtomobillərindən ikisi toqquşub, ardınca digər nəqliyyat vasitələri də qəza törədib.

Zəncirvari qəzanın baş verdiyi Ankara-Kırıkkale yolu bir müddət bağlanıb. Əzilən avtomobillərin yol kənarına çəkilməsindən sonra yol nəqliyyatın hərəkəti üçün tam açılıb.

Qəza ilə bağlı araşdırma başladılıb.