APA-nın məlumatına görə, Yunanıstanı Bakı səhnəsində Eleftheria Eleftheriou “Aphrodisiac” mahnısı ilə təmsil edəcək.

Yunanıstanın “Eurovision-2012” mahnısı Milli Seçim Proqramında qalib gəlib. Ölkə təmsilçisi isə münsiflər heyəti və tamaşaçılar tərəfindən seçilib. Mahnının müəllifləri Dimitris Stassos, Mikaela Stenström və Dajana Lööfdür. Milli Finalda Kipr, Bolqarıstan və Fransanın builki təmsilçiləri xüsusi qonaq qismində çıxış ediblər.

Qeyd edək ki, Yunanıstan təmsilçisi mayın 22-də keçiriləcək I yarımfinalda mübarizə aparacaq.