Türkiyənin Çatalzeytin mahalının Saraçlar kəndinin sakinlərindən birinin təsərrüfatındakı toyuğun yumurtası görənləri təəcübləndirir. ANS PRESS-in Türkiyə mətbuatına istinadən verdiyi məlumata görə, toyuğun yumurtası yaşıl rəngə çalır.Təsərrüfatın sahibi Mustafa Kara yaşıla çalan yumurtaların dadına görə digər yumurtalardan fərqlənmədiyini bildirib: "Yumurtaları sındırıb bişirdik. Digər yumurtalardan heç nə ilə fərqlənmir. Ancaq rəngləri yaşıla çalır. Bu yumurtaları iki toyuğum yumurtlayır. Həmin toyuqlar digərləri ilə birlikdə dən yeyir və çəmənlikdə gəzirlər. Bunun səbəbini başa düşmürəm".