Yapoinyanın şimalında yerləşən Hokkaydo adasında 6,9 maqnidudalı zəlzələ baş verib.

ANS PRESS ABŞ geologiya xidmətinin məlumatına istinadən bildirir ki, yeraltı təkanlar yerli vaxtla 23.17-də Kusiro şəhərindən 109 kilometr qərbdə baş verib. Zəlzələ mərkəzi 120 kilometr dərinlikdə yerləşir. Sunami təhlükəsi yoxdur. Dağıntı və qurbanlar barədə hələlik xəbər yoxdur.

Dekabrda Yaponiyanın şimal-şərq sahillərində 7,3 maqnitudalı zəlzələ baş vermişdi ki, bu, 1 metr hündürlüyündə sunamiyə səbəb olmuşdu.