Yaponiyada 5,1 bal gücündə zəlzələ baş verib. ANS PRESS-in xarici mətbuata istinadən verdiyi məlumata görə, Yaponiya Meteoroloji Xidmətinin yaydığı məlumatda yeraltı təkanların episentrinin Sidzuoka prefekturasında, yerin 40 km dərinliyində qeydə alındığı bildirilib.

Təkanlar Yaponiyanın paytaxtında, həmçinin Xonsyu adasının mərkəzindəki 14 prefekturada hiss edilib.

Dağıntılar və xəsarət alanlar barədə məlumat verilməyib. Zəlzələdən sonra sunami təhlükəsi elan edilməyib.