Amerikanın "Nyu York Niks" klubunun basketbolçusu maraqlı iddia səsləndirib. ANS PRESS-in məlumatına görə, Beron Devis yadplanetlilər tərəfindən oğurlandığını iddia edib. İdmançının sözlərinə görə, bu hadisə o Las Veqasdan Los Ancelesə gedərkən yolda baş verib.

"Hansısa yarı insan, yarı nə olduğu bilinməyən naməlum varlıqlar əl ayağımı bağladılar. Burnuma nə isə töküb gözlərimə baxırdılar. Bu gur işıqla müşayiət edilirdi. Əvvəlcə bunun yük maşını işığı olduğunu düşünürdüm", deyə bildirib.

Hər şey MBA oyunçusunun səhər saat 4-də oyanması ilə başa çatıb. Devis yadplanetlilərər heç bir informasiya vermədiyini deyib.