Rusiya prezidenti Vladimir Putinin senyabrın ortalarında Ermənistana planlaşdırdığı səfər təxirə salınıb. ANS PRESS-in “news.am” saytına istinadən verdiyi məlumata görə, Putinin səfərinin təxirə salınmasının bir çox səbəbləri var.

“Azq” qəzetinə danışan Kremlə yaxın mənbənin sözlərinə görə, Putin Ermənistandan istədiyi hər şeyi alıb: “Ermənistan prezidenti Serj Sərkisyanın Moskvaya son səfərində Putin istədiyini ala bildi. Ona görə, Putinin Ermənistana getməsinə ehtiyac yoxdur”.

Başqa bir fərziyyəyə görə, Putin indiki məqamda Ermənistana səfəri zamanı, İrəvanda narazılığın artmasından ehtiyyat edib. Ermənistanda antirusiya əhval-rühiyyəsinin artmaması üçün bu addımı atıb.

Qeyd edək ki, Serj Sarkisyanın Moskvaya son səfərində Ermənistan Gömrük İttifaqına daxil oldu. Bununla da Avropa Birliyi ilə münasibətlərə ciddi zərbə vurdu.