Krımda silahlı şexsler parlament ve yerli hökumet binalarını ele keçiribler. Onların kimliyi tam melum olmasa da, Rusiya yönümlü şexsler olduğu ehtimal edilir. Parlament ele keçirilenden sonra Krım ve Rusiya bayraqları dalğalanıb.

“Texminen 30-a yaxın adam binaya daxil olmağa başladı. Sonra bir avtobus geldi. Orada ne qeder adam olduğunu görmedim, amma onlar bir herbi desteni silahlandıra bilecek qeder silaha sahib idi. Deste binaya daxil olandan sonra, adamlar oradan qaçmağa başladı. Sonra bir şey baş vermedi.”

Binanın giriş qapıları barrikadalarla bağlanıb. Parlamenti ele keçiren adamlar helelik heç bir teleb ireli sürmeyib. Parlament binasında “Krım Rusiyadır” şüarları yazılıb. Krım parlamentinin ve hökumet binasının silahlı şexsler terefinden ele keçirilmesinden sonra Ukrayna polisinin hazır veziyyete getirildiyi bildirilir.

Bu arada Rusiya ordusu Qara denizde genişmiqyaslı herbi telimlere başlayıb. Telimlerde 150 min esger, 880 tank, 90 teyyare ve 80 herbi geminin iştirak etdiyi bildirilib. Telimler prezident Vladimir Putinin emri ile heyata keçirilir. Krımda baş verenlerden sonra Rusiyanın bütün qoşun növleri üzre tecili telimlere başlaması dünyanın lider dövletlerinin narahat etmeye başlayıb.

Birleşmiş Ştatların dövlet katibi Con Kerri Rusiyanı Ukraynaya herbi müdaxile etmemeye çağırıb. NATO-nun baş katibi Anders Foq Rasmussen Rusiyada başladılan herbi telimlerle bağlı meseleye toxunaraq deyib ki, Ukrayna Avropada tehlükesizlik meselesi ile elaqedar vacib ölkedir.

Yeni keçid hökumetinin formalaşdırılacağı gözlenilir

Bu gün hemçinin, Ukrayna Ali Radasının yeni keçid hökumetinin formalaşdırılacağı, Hökumete rehberliyin Arseni Yatsenyuka hevale olunacağı gözlenilir. Ukraynanın sabiq prezidenti Viktor Yanukoviç ise hazırda beynelxalq axtarışa verilib.