Vatikan iddia edir ki, dünya üzrə keşişlərin uşaqbazlıq etməsi halları azalıb, amma bununla belə katolik kilsədə təmizləmə işləri davam etdiriləcək.

ANS PRESS-in məlumatına görə, bu barədə bu gün Cenevrədə Vatikanın BMT-nin və başqa beynəlxalq təşkilatların Avropa bölməsindəki daimi müşahidəçisi arxiyepiskop Silvano Tomazi bildirib.

"Kilsə son 10 il ərzində etdiyi kimi öz evində təmizləmə aparmalıdır", - deyə Tomazi bildirib: "Sübutlar var ki, pedofiliya hallarının sayı azalıb". Vatikan təmsilçisi kilsələrdə uşaqbazlığın dəhşətli miqyasından danışıb: "İldə milyonlarla hadisədən söhbət gedir, ailələrdə, iş yerlərində və hər cür vəziyyətdə uşaqbazlıq halı müşahidə edilir".