ABŞ-ın Federal Təhlükəsizlik Bürosu “Əl Qaidə” lideri Usamə bin Ladenin yeni şəklini hazırlayıb. Rəqəmsal texnologiyanın köməyi ilə hazırlanan şəkildə bir nömrəli terrorçu hesab edilən bin Laden başı açıq və saqqalsız, eləcə də avropasayağı geyimdə təsvir edilib. Xüsusi xidmət oqranları onun ABŞ-dan gizlənmək üçün xarici görkəmini məhz belə dəyişdiyini istisna etmir.

Foto şəkil ABŞ Dövlət Departamentinin saytında yerləşdirilib.

Qeyd edək ki, “Əl Qaidə“ lideri 2001-ci ildəki 11 sentyabr terror hadisəsindən sonra axtarışdadır. Onun başına 25 milyon dollar mükafat qoyulub. ANSPRESS