Venesuela prezidenti Uqo Çavesin 2011-ci ilin yekunlarına həsr edilmiş məruzəsi rekord vurub. ANS PRESS-in Rusiya mətbuatına istinadən verdiyi məlumata görə, Uqo Çavesin 11 saatlıq nitqi bu vaxtadək qeydə alınmış ən uzun çıxış kimi tarixə düşüb.

Bundan əvvəlki rekord da elə Venesuela prezuidentinə məxsus idi. Uqo Çavesin ötən il söylədiyi 2010-ci ilin yekunlarına dair məruzəsi 7 saat davam etmişdi. Uqo Çaves budəfəki məruzəsində özündə aşkar edilən xərçəng xəstəliyinə də münasibət bildirib. O bunun təkcə özü üçün deyil, bütün Venesuela üçün bir sınaq olduğunu qeyd edib.

Həkimlər Uqo Çavesdə ötən ilin iyun aylarında xərçəng xəstəliyi aşkar etdikdən sonra Venesuela lideri müalicə kursu keçmək üçün Kubaya gemişdi. Bu ölkədə üç həftə müalicə olunan Venesuela prezidenti sonradan vətəninə qayıdaraq sağaldığını bəyan edib.