Oktyabrın 24-25-də Ukraynada müqəddəs “Quran-Kərim”i avazla oxuyanların Beynəlxalq müsabiqəsi keçiriləcək. Müsabiqədə Azərbaycan, Qırğızıstan, Qazaxıstan, Tacikistan, Özbəkistan, Moldova, Belarus, Rusiya və Ukraynadan təmsilçilər iştirak edəcək. Müsabiqə iştirakçıları bir neçə mərhələdə sınaqdan keçəcəklər: Mərhələlər isə “Quran”ın 30 cüzünün hamısını, yarısını, dörddə birini və son 3 cüzünü əzbər oxumaqdan ibarətdir.

Tədbir Simferapolda fəaliyyət göstərən İslam Mədəniyyət Mərkəzində baş tutacaq. Müsabiqə Küveytin “Ümumdünya İslam Xeyriyyə Təşkilatı” və Səudiyyə Ərəbistanının “Müqəddəs “Quran”ı Öyrənmək” Ümumdünya Təşkilatının dəstəyi ilə keçiriləcək. ANSPRESS