ANS PRESS-in məlumatına görə, bu barədə Rusiya mətbuatı yazır.

Xəbərə görə, Donetsk vilayətində ordu qüvvələri ilə separatçılar arasında gərgin döyüşlər getdiyi bir vaxtda pilotsuz təyyarə peyda olub. Separatçılar təyyarəni atəşə tutub və onu məhv ediblər.

Ukrayna mətbuatında yer alan son məlumatlara görə, hazırda Donetsk səmasında Ukrayna Hərbi Hava Qüvvələrinin qırıcıları uçur. Lakin qırıcılardan heç bir atəş açılmır. Təyyarələr Donetsk səmasında sadəcə dövr edirlər.

Donetsk hava limanına isə hərbi helikopterlər cəlb edilib. Helikopterlərdən də atəş açılmır. Hava limanında hələlik atəş səsləri eşidilmir.