Ukraynanın Rusiyaya sərhədinə yaxın ərazisində Boeing-777 sərnişin təyyarəsi qəzaya düşüb.

ANS PRESS-in məlumatına görə, "Malayziya hava yolları" şirkətinə məxsus təyyarə Amsterdam-Kuala-Lumpur reysini yerinə yetirirdi.

"Rusiya Federasiyasının hava ərazisinə daxil olmağa 50 kilometr qalmış təyyarədə problemlər yaranıb və o, enməyə başlayıb. Nəticədə onu Ukraynanın ərazisində yanan halda aşkar ediblər", - aviasiya dairələrindən mənbə bildirib.

Məlumata görə, təyyarənin içində 280 sərnişin və 15 ekipaj üzvü olub.

Rusiya sərhədini layner təxminən 17:25-də keçməli idi. Mənbə əlavə edib ki, təyyarə Donetskdən 80 kilometr aralı Snejniy yaşayış massivinə düşüb.