ANS PRESS-in məlumatına görə, Ukraynanın Slavyansk şəhərində döyüşlər şiddətlənib. Terrorçular kombinatlardan birinin ərazisində yerləşdirilmiş sulfat turşusuyla dolu çənləri partlatmaq niyyətindədir. Artıq bütün terrorçulara əleyhqazlar və fərdi kimyəvi müdafiə vasitələri paylanıb.

Dünən saxlanmış separatçılardan biri dindirmə zamanı bildirib ki, döyüşçülər şəhərin kənarında kimyəvi maddələri partlatmağı və sonra bununla Ukrayna hökumət güclərini ittiham etməyi planlaşdırırlar.

Ukrayna mətbuatı "Ximprom" kombinatının ərazisində yerləşdirilmiş sulfat turşusu haqqında söhbət getdiyini qeyd edib.

Saxlanılan terrorçu iddia edir ki, kombinatın ərazisində rezervuarlar artıq minalanıbr və Ukrayna təhlükəsizlik qüvvələri hücüm edəcəyi anda onları partlatmaq nəzərdə tutulur.