"Ukraynada antiterror əməliyyatları qüvvələri gecə saatlarında seperatçılara ağır zərbə endiriblər. Debaltsevo ərazisində döyüşlər gedir".

ANS PRESS-in məlumatına görə, bu barədə Ukrayna Hərbi-Siyasi Araşdırmalar Mərkəzinin rəhbəri, “İnformasiya Müqaviməti” qrupunun nümayəndəsi Dmitri Tımçuk deyib.

O qeyd edib ki, Rusiya ərazisindən qradlarla və digər ağır artileriyalarla Ukrayna qoşunlarının mövqeləri yenə atəşə tutulub. Antiterror əməliyyatların qüvvələrinin nəzarət etdiyi Luqanskın şimalında, Donetsk və Debaltsevonun cənubunda vəziyyət mürəkkəbləşib.

Dmitri Tımçuk qeyd edir ki, Rusiya qoşunları Luqanskda hücumlarını davam etdirir. Onun sözlərinə görə, Debaltsevoda vəziyyətin kəskinləşməsi ordunun bu ərazidən geri çəkilməsinə səbəb olub:

"Şəhər Rusiya Federasiyasının hərbçiləri ilə ağır artilleriyalarla və əhatə edilib. Ərazidə döyüşlərlə yanaşı Rusiyanın güclü kəşfiyyat apardığı məlumdur. Mariupoldakı döyüşlərdən aydın olur ki, rəqib öz hücum strategiyasını Ukrayna qoşunlarının mövqelərini aşkar etdikdən sonra müəyyənləşdirir.