Ukraynanın Donetsk vilayətinin Kramatorsk şəhərində aerodromda Mi-8 helikopteri partlayıb.

Bu barədə UNİAN agentliyi Ukrayna Təhlükəsizlik Şurasının anti-terror mərkəzinə istinadən xəbər verir.

Məlumata görə, Mi-8 helikopterinin atəşə tutulması nəticəsində partladığı ehtimal edilir. Bəzi məlumatlara görə, helikopterin yanacaq çəni snayper atəşinə tuş gəlib və partlayış nəticəsində ekipaj komandiri xəsarət alıb.

İnsidentin təfərrüatları dəqiqləşdirilir.