Bu gün səhər saatlarında rusiyalı ziyarətçiləri daşıyan avtobus qəzaya uğrayıb. ANS PRESS-in RİA Novosti” agentliyinə istinadən verdiyi məlumata görə, hadisə Ukraynada Kiyev-Çerniqov yolunda baş verib.

İlkin məlumatlarda bildirilir ki, ziyarətçilərin olduğu Neoplan avtobusu Velikix Lukdan Poçayev şəhərinə Poçayevskaya lavra monastrına gedirmiş. Avtobusun salonunda ümumilikdə 45 nəfər olub, qəza nəticəsindən onlardan 14 nəfər həlak olub, 22 nəfər isə yaralanıb. Xəsarət alanların vəziyyəti haqda hələlik dəqiq məlumat verilmir.

Qəza nəticəsində xəsarət alan Rusiya vətəndaşları xəstəxanaya yerləşdiriliblər.

“Naməlum səbəblərə görə sürücü idarəetməni itirib və aşıb. Avtobusun üst mərtəbəsində olan sərnişinlərin avtobusun altında qalıblar”, - deyə FHN nümayəndəsi bildirib.