Rusiya prezidenti Vladimir Putin Ukraynada prezident seçkilərində qalib gələn Pyotr Poroşenkonun inaqurasiya mərasiminə dəvət eilməyib.

ANS PRESS-in məlumatına görə, bu barədə Rusiya prezidentinin mətbuat katibi Dmitri Peskov açıqlama verib.

“Məndə olan məlumata görə, Vladimir Putin inaqurasiya mərasiminə dəvət edilməyib. Prezidentin iş qrafikinə Ukraynaya səfər hələlik salınmayıb”, - D.Peskov bildirib.

Qeyd edək ki, P.Poroşenkonun inaqurasiya mərasimi iyunun 7-də keçiriləcək.

Xatırladaq ki, mayın 25-də Ukraynada prezident seçkiləri keçirilib. Pyotr Poroşenko 54,69% səs toplayaraq qalib gəlib.