Türkiyənin tikinti şirkəti Serbiyaya dəyəri 750 milyon avro olan avtomobil yolu çəkəcək. Türkiyə kütləvi informasiya vasitələrinin verdiyi məlumata görə, baş nazir Rəcəb Tayyib Ərdoğanla Serbiyanın baş naziri Mirko Svetkoviç arasında məsələ ilə bağlı razılaşma əldə olunub.

Avtomobil yolu Serbiyanın dağlıq ərazidə yerləşən hissəsində çəkiləcək. Razılaşmaya əsasən, Türkiyənin inşaat şirkəti qısa zaman kəsiyində avtomobil yolunun çəkilməsinə dair işləri yekunlaşdırmalıdır.

Qeyd edək ki, Türkiyə və Serbiya həmçinin sentyabrda azad ticarətlə bağlı razılaşma imzalamağı planlaşdırır. ANSPRESS