Türkiyə Dubayda olan Palma Adasının bənzərini hazırlamaq istəyir. Amma türklərin adası Ay-Ulduz şəkilində inşa ediləcək. Türkiyənin baş naziri Rəcəb Tayyib Ərdoğan onu hətta "çılğın" bir layihə də adlandırıb. Onun 2.4 milyon dollara başa gələcəyi bildirilir. Layihənin rəhbəri isə memar Metin Hepgülər seçilib.

Onun sözlərinə görə, Ay-Ulduz layihəsi artıq Almaniya, İsveçrə və ərəb sərmayədarlarının çox marağına səbəb olub. Bundan başqa, digər ölkələrin sərmayədarları və bankları da bu layihə ilə maraqlanırlar.

Hazırda məsələ ilə bağlı hökumətin yekun qərar çıxarması gözlənilir. 40-45 ay ərzində layihənin inşa işlərinin tamamlanacağı gözlənilir. Mütəxəssislər layihənin Türkiyənin tarixi, mədəni və sənətkarlıq baxımından tanınmasına böyük töhvə verəcəklərini düşünürlər. Eyni zamanda bu, hər il Türkiyəyə turist axımını da təmin edəcək.

Ay-Ulduzlu Ada-nın özəllikləri

• layihə 3 ilə hazırlanıb.
• dəyəri 2.4 milyard avro.
• inşa müddəti 45 ay.
• 1340 ədəd villa tikiləcək.
• 2 min 200 rezidant dairə olacaq.
• 4 və ya 6 otel.
• Sosial təsislər,
• təhlükəsizlik və inzibati binalar, marinalar
• Azgəlirli ailələr üçün ödənişsiz xüsusi tətil sahəsi
• Heliport və kiçik hava limanı.
• ölkə iqtisadiyyatına ildə 1.5 milyard avro gəlir gətirəcək.