Türkiyə İstanbulda futbol üzrə həvəskar liqada mübarizə aparan “Öz Alibeyköyspor”un oyunçusu Sergen Çavdar dənizdə boğularaq ölüb. Xəbəri təsdiq edən “Öz Alibeyköyspor” klubunun prezidenti Metin Çırpan 16 yaşlı futbolçunun dincəlmək məqsədiylə getdiyi Xınalıadada boğulduğunu deyib.

Klubun prezidenti fövqəladə qabiliyyətli və oynadığı oyunla hamı tərəfindən bəyənilən futbolçunu itirdikləri üçün kədərli olduqlarını deyib: “Qardaşımıza Allahdan rəhmət, qohumlarına və qrupumuza səbr arzulayıram. Başımız sağolsun, yeri cənnət olsun”.