Türkiyənin Konya şəhərində 4.5 bal şiddətində zəlzələ baş verib. ANS PRESS „Ihlas“ agentliyinə (İHA) istinadən xəbər verir ki, yerli vaxtla saat 21.29-da (Bakı vaxtı ilə 23.29) baş vermiş yeraltı təkanda iki yaşayış binasında dağıntı meydana gəlib və yüzdən çox xəsarət alan olub. Zəlzələnin episentrinin Səlcuqlu rayunandakı Sille kəndində, yerin 5 km dərinliyində qeydə alındığı bildirilir. Şəhər rəsmiləri yaralıların əksəriyyətinin yeraltı təkanlar hiss edildiyi vaxt təşvişə düşərək pəncərədən tullanan insanlar olduğunu bildirib. Hadisə yerində mülki müdafiə dəstələrinin faliyyətləri davam edir.